មានការពិភាក្សាមួយរវាង អ៊ីស៊ូប គន្ធានិងឯកអគ្គរដ្ឋទូតសូវៀត ។
អ៊ីស៊ូប គន្ធា និយាយថា សូវៀតមានផែនការដណ្ដើមយកប្រទេសកម្ពុជានៅខែ
ធ្នូ ឆ្នាំ 1976 ព្រោះកម្ពុជាឋិតនៅក្រោមការគ្រប់គ្រងរបស់ចិន
ម្យ៉ាងទៀតសូវៀត ចង់ជួយវៀតណាម ដើម្បីសម្រេចនូវគោលបំណងកសាង (
ឥណ្ឌូចិន) ។ ផែនការគឺធ្វើនយោបាយសម្រុះសម្រួលមុនពេលរំដោះកម្ពុជា
ដោយប្រមូលខ្មែរមួយក្រុម ទុកបម្រើផែនការរបស់ខ្លួន
បន្ទាប់មករំដោះប្រទេសកម្ពុជា ។ សូវៀត នឹងមានផែនការថ្មីមួយទៀត
ចូលមកឈ្លានពាន ប្រទេសកម្ពុជា តាមផ្លូវយោធា ។
សូវៀតក្ដាប់បានប្រទេសពីរ គឺ វៀតណាម និង ឡាវ ។
ឯកអគ្គរដ្ឋទូតសូវៀតបានលើកយកបញ្ហាមួយចំនួនបញ្ជាក់ប្រាប់
អ៊ីស៊ូប គន្ធាថាគាត់បានឃើញស្ថានការណ៍ ថ្មីមិនអនុគ្រោះដល់សូវៀតសោះ
ហើយលទ្ធភាពក្នុងដាក់ទូតរវាង ប្រទេសទាំពីរក៏គ្មានដែរ៕
ហេតុនេះសហភាពសូវៀត មានតែប្រឆាំង នឹងរបបគ្រប់គ្រងថ្មីនេះ
ដោយរងចាំមើលស្ថានការណ៍មួយឆ្នាំសិន
ប្រសិនបើមិនអំណោយផលដល់សូវៀតទេ អន្តរាគមន៍
មួយអាចកើតឡើងតាមពីរដំណាក់កាល៖
ដំបូងសូវៀតនឹងជួយចលនាប្រឆាំងនៅតាមព្រំដែនកម្ពុជាវៀតណាម។
ប្រមូលប្រជាជនតាមព្រំដែនកម្ពុជា នឹងកម្ពុជាក្រោម បង្កអសន្តិសុខ
ធ្វើដូចជាប្រទេសកម្ពុជាមានបញ្ហាផ្ទៃក្នុង
ឲ្យសកលលោកចាប់អារម្មណថា កម្ពុជាមានអសន្តិសុខ ។ ប្រើប្រាស់កម្លាំង
សឹង ងុកថាញ់ ដែលធ្វើសកម្មភាពតាមព្រំដែន
នឹងប្រមូលកម្លាំងខ្មែរក្រោមអោយទៅហ្វឹកហាត់អោយបានរហ័ស។
បន្ទាប់មកសូវៀត នឹងសហការ ជាមួយវៀតណាម នឹងឡាវទៀត។
ប៉ុន្តែសូវៀតមិនយកកងទ័ពវៀតណាមទាំងអស់ទេ
គឺយកកម្ពុជាក្រោមមកវាយកម្ពុជា ចៀសវាងកុំអោយវៀតណាម
មានវិបត្តិជាមួយកម្ពុជាក្នុងទំនាក់ទំនងរវាងគ្នា និងគ្នា។
សូវៀតត្រូវតែអោយកម្ពុជា ឯកោ
ដោយចាត់ការចិនកុំអោយផ្ដល់ជំនួយមកកម្ពុជាបាន។ តាមផ្លូវអាកាស
សូវៀតបានស្នើឲ្យរដ្ឋាភិបាលឡាវ បិទផ្លូវអាកាស
ហើយមិនឲ្យចិនឆ្លងកាត់តាមផ្លូវសមុទ្រ។
សូវៀតក៏បានធ្វើប្លង់មិនឲ្យកប៉ាល់ចិនដឹកចូលកម្ពុជាបាន។
យកកម្លាំងយោធាទៅវាយភាគខាងត្បូងនៃ ប្រទេសកម្ពុជា។
នៅពេលដែលវាយបានហើយទើបចាត់តាំងរដ្ឋាភិបាលក្បត់មួយ
បន្ទាប់មកដឹករថពាសដែក ទៅដាក់នៅពោធិចិនតុង
និងយប់ស្អែកឡើងកាន់កាប់រដ្ឋធានីឲ្យបានតែម្ដង។ បន្ទាប់មកគឺ
ដឹកជញ្ជូនសម្ភារៈ យោធា និងកងទ័ពវៀតណាមឡើងទន្លេមេគង្គ
ដោយមានការអនុញ្ញាតពីវៀតណាម ។ មួយផ្នែកទៀត (ដឹកសម្ភារៈសឹក
និងកងទ័ពមកដាក់នៅកំពង់សោម ) ។
ប្រសិនបើមានការទប់ទល់ សូវៀតនឹងទម្លាក់គ្រាប់បែក។
ពេលបានជ័យជំនះហើយ បង្កើតកងទ័ពស្រុកឲ្យទៅវាយទិសខាងកើត
មិនអោយប្រជាជនដឹង ទាំងក្នុង និងក្រៅប្រទេស ព្រមទាំងបានផ្ដល់បទ
សម្ភាសន៍ ភូតកុហកដល់អ្នកកាសែត សុយអែដ
ដោយការពារខ្លួនថាមិនមែនជាជនកុំមុយនិសទេ។ ក្រៅពីនោះ
បានប្រព្រឹត្តល្មើសដោយលួចផ្ដល់ព័ត៌មានឲ្យភ្នាក់ងារសូវៀត ហ្សាកូឡូវ
ស្ដីពីរណសិរ្ស និងរាជរដ្ឋាភិបាល រួបរួមជាតិកម្ពុជា
និងជួបសន្ទនាស្ងាត់ៗ ជាមួយភ្នាក់ងារ សេ.អ៊ី.អា
នៅផ្ទះរបស់ខ្លួនប្រាប់អំពីស្ថានការណ៍ថែមទៀត។
អ៊ីស៊ូប គន្ធា បន្តរទៀតថា
ខ្លួនបានបដិសេធរាល់អត្ថបទចែកចាយផ្សេងៗ របស់ អៀង សារី
ដោយអូសបន្លាយការណាត់ជួបគ្នារវាង ឯកអគ្គរដ្ឋទូតសាធារណរដ្ឋ
ប្រជាមានិតប្រជាធិបតេយ្យវៀតណាម ជាមួយ អៀង សារី ។ មិនតែ
ប៉ុណ្ណោះបានចោតអ្នកនៅជុំវិញសម្ដេច សីហនុ
ថាជាអ្នកប្រឆាំងកុំមុយនិស ក្នុងនោះមាន :វ៉ាន ឌី, ពុង ប៉េងចេង, អ៊ុង
មាង និង ទឹម ណាំង ។
អ៊ីស៊ូប គន្ធា សារភាពថា បានធ្វើអោយ សម្ដេច សីហនុ ខូចព្រះទ័យ
និងនឿយណាយតាមរយះ លិខិតភូតកុហកថា ព្រះអង្គលែងមានអំណាចទៀតហើយ
អំណាចប្រមុខរដ្ឋដែលរដ្ឋធម្មនុញ្ញ
បានទទួលស្គាល់ក៏ត្រូវរបូតផុតពីព្រះអង្គដែរ។ ហើយអំណាចនយោបាយ
ត្រូវការិយាល័យនយោបាយ និង អៀង សារី
ជាអ្នកកាន់កាប់ដើម្បីដឹកនាំរណសិរ្សរួបរួមជាតិ ។
អ៊ីស៊ូប គន្ធា បានរកមធ្យោបាយ ឲ្យសម្ដេច សីហនុ កម្ចាត់ អៀង សារី
ដោយបង្កើតបរិយាកាស មិនទុកចិត្ត រវាងសម្ដេច សីហនុ និង ជួន មុម្ម
រឹតតែមានសភាពធ្ងន់ធ្ងរឡើងៗ ហើយបានទូលថ្វាយព្រះអង្គថា ជួន មុម្ម
បានបដិសេធមិនព្រម ផ្ដល់ឥណទានឲ្យគណៈបេសកកម្មសិទ្ធសម្ដេច សីហនុ ។
មិនតែប៉ុណ្ណោះ អ៊ីស៊ូប គន្ធា សារភាពថា
បានបង្កឲ្យមានភាពមិនទុកចិត្តគ្នារវាងសម្ដេច សីហនុ ចំពោះ សារិន
ឆាត ដោយទូលថាថ្វាយ សម្ដេច សីហនុ ថា សារិន ឆាត បានសហការ
យ៉ាងជិតស្និតជាមួយ អៀង សារី។ ក្រោយមក អ៊ីស៊ូប គន្ធា
ត្រូវបានអង្គការ ហៅចូលប្រទេសវិញ ហើយចាប់ខ្លួននៅថ្ងៃទី 29/09/1976
។
Powered by Blogger.