ខ្ញុំបានមើលក្នុងទំព័រសារព័ត៌មាន ជាច្រើនដូចជា អាស៊ីសេរី
វិទ្យុបារាំង សារព័ត៌មានស៊ីអ៊ីអិន និងជាច្រើនទៀត
ដែលចុះផ្សាយថ្ងៃទី ១៥ធ្នូ ឆ្នាំ២០១១
បាននិយាយអំពីលោករដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ
ត្រូវបានសាក្សីក្នុងសាលាក្ដីខ្មែរក្រហម អះអាងថា លោក គាត ឈន់
បានបម្រើការងារជាមួយលោក អៀង សារី ដែលជាមេខ្មែរក្រហមមួយ។
កាលលោកនោះ គាត ឈន់
បានធ្វើការនៅក្នុងក្រសួងការបរទេសក្នុងជំនាន់ខ្មែរក្រហម។
នៅក្នុងពិធីបើកសម្ពោធពិព័រណ៍ ពាណិជ្ជកម្ម ផលិតផល នៅកោះពេជ្រ
មានអ្នកការសែតជាច្រើនបានមកសួរនូវសំនួរខាងលើនេះជាមួយលោក
ប៉ុន្តែលោកបានបដិសេធដោយនិយាយតែមួយឃ្លាថា
ខ្ញុំមិនធ្វើអត្ថាធិប្បាយទេ ។ តាមពិតទៅ
នៅក្នុងសាលាក្ដីខ្មែរក្រហមមានសាក្សីមួយរូបមួយរូប
ដែលមានសក្ដានុពល
ព្រោះគាត់ជាអតីតកម្មាភិបាលជាន់ខ្ពស់ខ្មែរក្រហមឈ្មោះលោក ឡុង
នរិន្ទ ដែលបាននិយាយអះអាងថា លោកគាត ឈន់
បានធ្វើការនៅក្រសួងការបរទេស ក្រោមការគ្រប់គ្រងរបស់លោក អៀង
សារី។
ខ្ញុំជឿថា
ប្រហែលជាប្រជាជនជាច្រើននាក់កំពុងនាំគ្នាឆ្ងល់កាន់តែខ្លាំងអំពី
អង្គហេតុ និងការកាត់ក្ដី សួរដេញដោលនេះណាស់
សូម្បីតែខ្ញុំក៏មិនសូវយល់ដែរ។ មួយរយៈក្រោយៗនេះ
ខ្ញុំសង្កេតឃើញថា
សាលាក្ដីខ្មែរក្រហមហាក់ដូចជាមានកំដៅក្ដៅជាងមុនព្រោះ
ព្រឹត្តិការណ៍កាត់ក្ដីនានា
សុទ្ធសឹងតែធ្វើអោយប្រជាជនខ្មែរតាមដានយ៉ាងជក់ចិត្តទៀតផង។
ជាងនេះទៅទៀត ជនជាប់ចោទមួយចំនួន៖
លោក នួន ជា
ក៏បាននិយាយប្រាប់អំពីគំនិត
និងការយល់ឃើញពិសេសគឺការងាររបស់គាត់ក្នុងសម័យខ្មែរក្រហមថា
របបប្រល័យពូជសាសន៍នេះមានជាប់ពាក់ព័ន្ធជាមួយប្រទេសវៀតណាម
ដោយគាត់បញ្ជាក់ម្ដងហើយម្ដងទៀត ថាគាត់មិនមែនចេះតែនិយាយនោះទេ
តែនេះជាប្រវត្តិសាស្ត្រមួយ។
ការរៀបរាប់របស់គាត់មួយចំនួនបាននិយាយលើកឡើងដល់ឈ្មោះ
សម្តេចសីហនុជាដើម។
លោក អៀង សារី
ក៏បាននិយាយស្រដៀងៗគ្នានេះដែរព្រោះក៏មាននិយាយពាក់ព័ន្ធជាមួយ
ប្រទេសវៀតណាមដូចគ្នា និងសម្ដេចសីហុនុ
ប៉ុន្តែខ្ញុំតាមដានព្រឹត្តិការណ៍នេះយូយូ ទៅដូចជាវង្វេងម្ដងម្កាល
ព្រោះមិនសូវដឹងច្បាស់អំពីប្រវត្តិសាស្ត្រប៉ុន្មានទេ
ម្យ៉ាងវិញទៀតខ្ញុំគ្រាន់តែជាយុវជនជំនាន់ក្រោយដែលដឹងអង្គហេតុ
តាមរយៈ ការអានសៀវភៅ និងស្ដាប់ចាស់ៗនិយាយតែប៉ុណ្ណោះ។
ជាចុងក្រោយខ្ញុំគ្មានអ្វីដែលត្រូវនិយាយច្រើនទេ
តែខ្ញុំគ្រាន់តែឆ្ងល់ថាហេតុបានជាលោកមិនព្រមបកស្រាយ
ដោយគ្រាន់តែចំណាយពេល ត្រឹម
២នាទីដើម្បីពន្យល់ប្រាប់អំពីប្រវត្តិសាស្ត្រពិតមួយនេះផងទៅ?
ប្រជានជនរាប់លាននាក់ទាំងក្នុងទាំងក្រៅប្រទេសកំពុងតាមដានអំពីរឿង
រ៉ាវខ្មែរក្រហម និងស្វែងរកមុខមេដឹកនាំ
និងអ្នកដែលពាក់ព័ន្ធផងដែរ។
អត្ថបទស្រដៀង៖ ដកស្រង់សំដីមេខ្មែរក្រហមនិយាយអំពីសម្ដេច ហេង សំរិន និង ជា ស៊ីម
Powered by Blogger.
