រឿងរ៉ាវកោះត្រល់
ដែលមានទីតាំងនៅជិតបង្កើយនឹងខេត្ដកំពតរបស់ខ្មែរ
បែរជាធ្លាក់ទៅក្នុងដៃ
ប្រទេសវៀតណាមកាន់កាប់និងគ្រប់គ្រងទល់សព្វថ្ងៃនេះ
បានក្លាយជាប្រធានបទក្ដៅក្នុងការវែកញែកយ៉ាងចម្រូងចម្រាស់
រវាងថ្នាក់ដឹកនាំប្រទេសជំនាន់មុន(អង្គសម្ដេចឪ នរោត្ដម សីហនុ)
និងថ្នាក់ដឹកនាំប្រទេស
បច្ចុប្បន្ន(សម្ដេចអគ្គមហាសេនាបតីតេជោហ៊ុន សែន) ។
ព្រះករុណាព្រះបាទសម្ដេចព្រះ នរោត្ដម សីហនុ
អតីតព្រះមហាវីរក្សត្រនៃព្រះរាជាណាចក្រកម្ពុជា
ទ្រង់ធ្លាប់បានចេញរាជសារចុះថ្ងៃទី១៦ខែតុលាឆ្នាំ២០០៥
ពីទីក្រុងប៉េកាំងប្រទេសចិនថា “នរោត្ដម សីហនុ
មិនដែលទទួលស្គាល់ថា ស្របច្បាប់
និងសមហេតុសមផលអំពីកម្ពុជាក្រោម-កោះត្រល់
បានទៅបារាំង-វៀតណាមនោះ ទេ ។” ។
ឯកឧត្ដម ជូ អេនឡាយ អតីតនាយករដ្ឋមន្ដ្រីចិន និងឯកឧត្ដម ចេន
យី អតីតសេនាប្រមុខចិន ដែលជាវីរបុរសចំណាស់ជាមួយឯកឧត្ដមប្រធាន
ម៉ៅ សេទុង
ធ្លាប់បានមានប្រសាសន៍ទូលថ្វាយអង្គសម្ដេចឪនាអំឡុងឆ្នាំ១៩៥៥ ថា
“ច្បាស់ណាស់ កោះត្រល់ជារបស់ខ្មែរ
ដ្បិតជាប់នឹងទឹកដីខ្មែរមិនជាប់ជាមួយទឹកដីវៀតណាមទេ ។” ។
រីឯសម្ដេចអគ្គមហាសេនាបតីតេជោនាយឧត្ដមសេនីយ៍ផុតលេខផ្កាយមាស៥
បណ្ឌិតសភាចារ្យ ហ៊ុន សែន ប្រមុខរាជរដ្ឋាភិបាលកម្ពុជា
ដ៏មានអំណាចមហិមាបច្ចុប្បន្ននេះវិញ តែងបានអះអាងថា
“កោះត្រល់បានបាត់បង់ពីខ្មែរក្លាយជារបស់វៀតណាមតាំងពីយូរយាជំនាន់
អ្នកដឹកនាំប្រទេសមុនៗមកម្ល៉េះ ។” ។
អ្វីទៅជាការពិត ? តើកោះត្រល់របស់ខ្មែរបានបាត់បង់នៅពេលណា ?
“សម្ដេចតេជោសែន”កាលណោះនៅជាសមមិត្ដនៅឡើយ
បានឡើងកាន់កាប់មុខតំណែងជានាយករដ្ឋមន្ដ្រីនៃរដ្ឋាភិបាលសាធារណ
រដ្ឋប្រជាមានិតកម្ពុជានាឆ្នាំ១៩៨៥ ។
ការបោះពុម្ពសៀវភៅសិក្សាសម្រាប់សិស្សានុសិស្សថ្នាក់ទី៧
មុខវិជ្ជាភូមិវិទ្យានាសម័យនោះបានចែងអំពីសណ្ឋានដីនិងភោគទ្រព្យ
រ៉ែ ដែលក្នុងនោះក៏បានបញ្ជាក់អំពីក្រុមកោះរបស់ខ្មែរថា
“កោះដែលនៅឯនាយស្ទើរកោះវាលរេញមានបីក្រុម គឺៈ
ក្រុមទី១-នៅពីមុខកំពង់ផែកំពង់សោម មានកោះពស់,
ក្រុមទី២-នៅមុខរាម មានកោះតាកៀវ កោះឫស្សី កោះត្រែះ
កោះចន្លុះ និងកោះស្រមោច, ក្រុមទី៣-បន្ដទៅកោះត្រល់
មានកោះថ្មី និងកោះសេះ ។ នៅក្នុងលំហឈូងសមុទ្រកម្ពុជា
មានកោះតាង កោះអាគ្នេយ៍ កោះព្រីង កោះវៀ និងកោះវ៉ៃ ។” ។
នៅថ្ងៃទី២៧ខែធ្នូឆ្នាំ១៩៨៥ សាធារណរដ្ឋប្រជាមានិតកម្ពុជា
ដែលមានសមមិត្ដហ៊ុន សែន ជានាយករដ្ឋមន្ដ្រី
បានចុះសន្ធិសញ្ញាកំណត់ព្រំដែនរដ្ឋជាមួយសាធារណរដ្ឋសង្គមនិយមវៀតណាម
។ ចាប់តាំងពីពេលនោះ
ថ្វីដ្បិតសន្ធិសញ្ញាកំណត់ព្រំដែនរដ្ឋឆ្នាំ១៩៨៥រវាងកម្ពុជានិង
វៀតណាម សំដៅកំណត់តែអំពីព្រំដែនគោក(មិនទាន់
កំណត់អំពីព្រំដែនទឹកនៅឡើយ)ក៏ពិតមែន
ប៉ុន្ដែក្នុងសៀវភៅសិក្សាផ្នែកមុខវិជ្ជាភូមិវិទ្យាក្រោយៗមកលែងមាន
និយាយអំពីឈ្មោះកោះត្រល់របស់ខ្មែរសម្រាប់ឱ្យកូនខ្មែររៀនសូត្រ
ទៀតហើយៗកោះត្រល់ក៏បានធ្លាក់ទៅជាកម្មសិទ្ធិរបស់ប្រទេសវៀតណាម
ដោយប្ដូរដាក់ឈ្មោះថ្មីថា “ភូកុក”ទល់សព្វថ្ងៃ។
នៅថ្ងៃទី១០ខែតុលាឆ្នាំ២០០៥ សម្ដេច ហ៊ុន សែន
ក្នុងនាមជានាយករដ្ឋមន្ដ្រីនៃព្រះរាជាណាចក្រកម្ពុជា
បានចុះសន្ធិសញ្ញាបំពេញបន្ថែមជាមួយសាធារណរដ្ឋសង្គមនិយមវៀតណាម
មានឯកឧត្ដម ផាន វ៉ាន់ខាយ ជានាយករដ្ឋមន្ដ្រី
នៅប្រទេសវៀតណាមតែម្ដង
ដោយប្រថាប់ត្រាទៅលើសន្ធិសញ្ញាកំណត់ព្រំដែនរដ្ឋឆ្នាំ១៩៨៥
ក្នុងការកំណត់ព្រំដែនគោករវាងកម្ពុជានិងវៀតណាមឱ្យកាន់តែរឹងមាំ
។ ទីបំផុត
សន្ធិសញ្ញាបំពេញបន្ថែមទៅលើសន្ធិសញ្ញាកំណត់ព្រំដែនរដ្ឋកម្ពុជា-
វៀតណាមឆ្នាំ១៩៨៥នេះ
បានក្លាយជាច្បាប់ដែលប្រកាសឱ្យប្រើដោយព្រះរាជក្រមលេខនស/រកម
/១១០៥/០៣៩ ចុះថ្ងៃទី៣០ខែវិច្ឆិកាឆ្នាំ២០០៥ ។
សន្ធិសញ្ញាបំពេញបន្ថែមនេះត្រូវ
បានរាជរដ្ឋាភិបាលកម្ពុជាធានាអះអាងថា
មិនឱ្យមានការបាត់បង់បូរណភាពទឹកដី(ផ្ទៃដីគោក)ទំហំ១៨១.០៣៥
គីឡូម៉ែត្រក្រឡារបស់កម្ពុជាឡើយ ។
មុននឹងសន្ធិសញ្ញាបំពេញបន្ថែមឆ្នាំ២០០៥ទៅលើសន្ធិសញ្ញាកំណត់
ព្រំដែនរដ្ឋកម្ពុជា-វៀតណាមឆ្នាំ១៩៨៥ចេញជារូបរាង
និងត្រូវបានប្រថាប់ត្រាប្រកបដោយជោគជ័យនោះ
គឺមានភាពប្រទាញប្រទង់គ្នាខ្លាំងណាស់នៅក្នុងស្ថាប័នជាតិផង
និងប្រតិកម្មពីអង្គការសង្គមស៊ីវិលផង ។ ជាក់ស្ដែង បុរស៤នាក់
រួមមាន លោក រ៉ុង ឈុន ប្រធានសមាគមគ្រូបង្រៀនកម្ពុជាឯករាជ្យ,
លោក ជា មុនី
ប្រធានសហជីពសេរីកម្មករនៃព្រះរាជាណាចក្រកម្ពុជា,លោក ម៉ែន ណាត
សមាគមមន្ដ្រីរាជការឯករាជ្យកម្ពុជា និងលោក អៀ ចាន់ណា
អគ្គលេខាធិការរង ចលនានិស្សិតដើម្បីលទ្ធិប្រជាធិបតេយ្យ
ក្នុងនាមជាក្រុមប្រឹក្សាឃ្លាំមើលកម្ពុជា
ត្រូវបានរាជរដ្ឋាភិបាលប្ដឹងទៅតុលាការ
ហើយតុលាការក៏បានចេញដីកាចាប់ខ្លួន
បន្ទាប់ពីអ្នកទាំង៤ចេញសេចក្ដីថ្លែងការណ៍ចុះថ្ងៃទី១១ខែតុលា
ឆ្នាំ២០០៥ លើកឡើងអំពីបញ្ហាគ្រោះថ្នាក់នៃបូរណភាពទឹកដីខ្មែរ ។
កាលពីថ្ងៃទី១៧ខែមិថុនាឆ្នាំ២០១៣កន្លងទៅថ្មីៗនេះ លោក រ៉ុង
ឈុន តំណាងក្រុមប្រឹក្សាឃ្លាំមើលកម្ពុជា
និងជាប្រធានសមាគមគ្រូបង្រៀនកម្ពុជាឯករាជ្យ
បានធ្វើលិខិតផ្លូវការមួយច្បាប់ គោរពជូន“សម្ដេចតេជោសែន”
ឱ្យធ្វើការពិចារណាចំពោះបញ្ហាទឹកដីនិងកោះ(ជាពិសេសកោះត្រល់)ដែល
បានបាត់បង់ទៅប្រទេសជិតខាង ។
មជ្ឈដ្ឋានអ្នកច្បាប់បានលើកឡើងថា
ការបោះពុម្ពសៀវភៅសិក្សាសម្រាប់ឱ្យសិស្សានុសិស្សរៀនសូត្រ
ជាការយកចិត្ដទុកដាក់ និងប្រុងប្រយ័ត្នខ្លាំងណាស់
ហើយសៀវភៅសិក្សាមុខវិជ្ជាភូមិវិទ្យាថ្នាក់ទី៧បោះពុម្ពនៅឆ្នាំ
១៩៨៥ នៅមានឈ្មោះកោះត្រល់ជាកោះរបស់ខ្មែរ
បែរជាលុបបំបាត់ឈ្មោះកោះត្រល់នេះទៅវិញមកទល់ បច្ចុប្បន្ន
គឹមានន័យថា
ឈ្មោះកោះត្រល់ទើបត្រូវបានលុបបំបាត់ចោលពីកម្មសិទ្ធិរបស់ខ្មែរចាប់
តាំងពីថ្ងៃទី២៧ខែធ្នូឆ្នាំ១៩៨៥តរៀងមក
តាមស្មារតីនៃសន្ធិសញ្ញាកំណត់ព្រំដែនរដ្ឋឆ្នាំ១៩៨៥រវាងកម្ពុជា-
វៀតណាម ក្នុងសម័យសមមិត្ដ ហ៊ុន សែន
ធ្វើជានាយករដ្ឋមន្ដ្រីនៃសាធារណរដ្ឋប្រជាមានិតកម្ពុជា។
ក្រុមអ្នកច្បាប់បានលើកឡើងទៀតថា
មាត្រា២និងមាត្រា៥៥នៃរដ្ឋធម្មនុញ្ញដែលជាច្បាប់កំពូល
នៃព្រះរាជាណាចក្រកម្ពុជាបានចែងរួចហើយថា
“បូរណភាពទឹកដីរបស់ព្រះរាជាណាចក្រកម្ពុជា
មិនអាចរំលោភបានដាច់ខាតក្នុងព្រំដែនរបស់ខ្លួនដែលមានកំណត់ក្នុង
ផែនទីខ្នាត១/១០០.០០០
។…សន្ធិសញ្ញានិងកិច្ចព្រមព្រៀងទាំងឡាយណាដែលមិនស្របនឹងឯករាជ្យ
អធិបតេយ្យ បូរណភាពទឹកដី អព្យាក្រឹតភាព
និងឯកភាពជាតិរបស់ព្រះរាជាណាចក្រកម្ពុជា ត្រូវលុបចោល ។” ដូច្នេះ
សន្ធិសញ្ញាកំណត់ព្រំដែនរដ្ឋរវាងកម្ពុជា-
វៀតណាមដែលបានប្រើប្រាស់ផែនទីខ្នាត១/៥០.០០០
ដែលផ្ទុយនឹងរដ្ឋធម្មនុញ្ញ ត្រូវចាត់ទុកជាមោឃៈទាំងស្រុង ៕
ប្រភពអត្ថបទ http://www.dtn7.com/2013/06/20/2789.html/
Powered by Blogger.