ថ្ងៃ២៣ តុលានេះគឺ ត្រូវបានចុះហត្ថលេខាដោយមានការចូលរួមពីអគ្គលេខាធិការ នៃអង្គការសហប្រជាជាតិ, ប្រមុខការទូតនៃប្រទេសចំនួន ១៨ និងភាគីខ្មែរទាំង ៤ ក្រុម រួមមាន៖ ក្រុមសីហនុនិយម ឬហ្វ៊ុនស៊ិនប៉ិច, ក្រុមអ្នកជាតិនិយម រណសិរ្សជាតិរំដោះប្រជាពលរដ្ឋខ្មែរ របស់លោកតា សឺន សាន, ក្រុមខ្មែរក្រហមរបស់ ប៉ុល ពត និងរបបរដ្ឋកម្ពុជា របស់សម្តេចនាយករដ្ឋមន្ត្រី ហ៊ុន សែន។
ចំណែកប្រទេសជាហត្ថលេខីចំនួន ១៨ ផ្សេងទៀត រួមមាន៖ ប្រទេសជាសមាជិកអចិន្ត្រៃយ៍របស់ក្រុមប្រឹក្សាសន្តិសុខ អ.ស.ប. ( ៥ ប្រទេស ) គឺ អាមេរិក, អង់គ្លេស, បារាំង ( សហប្រធានសន្និសីទ ), ចិន និងសហភាពសូវៀត រួមទាំងប្រទេសនៅអាស៊ីអាគ្នេយ៍ ( ៨ ប្រទេស ) គឺឥណ្ឌូនេស៊ី ( សហប្រធានសន្និសីទ ), វៀតណាម, ឡាវ, ថៃ, សឹង្ហបុរី, ម៉ាឡេស៊ី, ហ្វីលីពីន និងប្រ៊ុយណេ។ ក្នុងនោះ ក៏មានប្រទេសយូហ្គោស្លាវី ( ពេលនោះជាប្រធានក្រុមប្រទេស មិនចូលបក្សសម្ព័ន្ធ ) និងប្រទេស ៤ ផ្សេងទៀត គឺ ឥណ្ឌា, ជប៉ុន, កាណាដា និង អូស្ត្រាលី។
កិច្ចព្រមព្រៀងជាប្រវត្តិសាស្ត្រ កាលពីឆ្នាំ១៩៩១ បានបិទបញ្ចប់ជាផ្លូវការនូវសង្គ្រាមឥណ្ឌូចិន និងបានបើកទំព័រថ្មីសម្រាប់កម្ពុជា ទទួលយកសន្តិភាព លទ្ធិប្រជាធិបតេយ្យ និងរៀបចំការបោះឆ្នោត។ កិច្ចព្រមព្រៀងទីក្រុងប៉ារីស មានគោលដៅសំខាន់ៗ បីយ៉ាង។
ទី១-រៀបចំឲ្យមានសន្តិភាពឡើងវិញនៅប្រទេសកម្ពុជា តាមរយៈការអនុវត្តន៍កិច្ចព្រមព្រៀងឈប់បាញ់ និង ការរំសាយអាវុធនៅក្នុងជួរកងទ័ពនៃភាគីជម្លោះខ្មែរទាំងអស់។
ទី២-ចាក់គ្រឹះលទ្ធិប្រជាធិបតេយ្យនៅក្នុងប្រទេសកម្ពុជា តាមរយៈការរៀបចំបោះឆ្នោតសភាធម្មនុញ្ញ។
ទី៣-ការពារប្រទេសកម្ពុជា ក្នុងនាមជាប្រទេសពេញសិទ្ធិមួយ តាមរយៈការធានា អធិបតេយ្យ ឯករាជ្យ បូរណភាព និងភាពពុំអាចរំលោភបំពានបានឡើយនូវទឹកដី អព្យាក្រឹត្យភាព និងឯកភាពជាតិរបស់ប្រទេសកម្ពុជា ដោយបានបណ្ដេញកងទ័ពវៀតណាមអោយអស់ចេញពីប្រទេសកម្ពុជា។
ក្រោយពីមានសន្ធិសញ្ញានោះមកក៏ មានបរទេសឲ្យលុយជំនួយកាន់តែច្រើនឡើងៗដល់កម្ពុជា។ ជាមួយគ្នានេះដែរ តាមរយៈទំព័រ Facebook មានអ្នកប្រើប្រាស់ម្នាក់គឺលោក ខ្មែរ សុវណ្ណភូមិ បានចោទជាសំនួរថា តើបែបនេះអ្នកមានមោទនភាព ដូចប្រមុខដឹកនាំខ្មែរដែលបានអួតដែរឬទេ?
បន្ទាប់ពីកិច្ចព្រមព្រៀងទីក្រុងប៉ារីស ឆ្នាំ១៩៩១ មកសហគមន៍អន្តរជាតិបានប្តេជ្ញារួមគ្នា ថានឹងជួយកសាងប្រទេសកម្ពុជារហូតបានរីកចំរើន«អាចក្រោកឈរដោយ ខ្លួនឯងបាន» ដោយសន្យាថានឹងផ្តល់ជាប្រាក់ជំនួយឥតសំណងរៀងរាល់ឆ្នាំដល់កម្ពុជា។
ចាប់តាំងពីពេលនោះមកកម្ពុជាបានទទួលប្រាក់ជំនួយគិតជាឆ្នាំគឺមាន រយៈពេលជាង ២០ ឆ្នាំហើយ ពោលគឺតាំងពីជាង១០០លានដុល្លាអាមេរិកក្នុងមួយឆ្នាំកើនឡើងរហូតដល់ ៩៣៤លាន ដុល្លាអាមេរិកកាលពីឆ្នាំ២០១១ ហើយជាសរុបទឹកប្រាក់រយៈពេល២០ឆ្នាំនេះ មានចំនួន ១២.៣ពាន់លានដុល្លាអាមេរិក។
ប្រាក់ជំនួយទាំងនេះត្រូវបានសហគមន៍អន្តរជាតិសម្រេចផ្តល់ឲ្យកម្ពុជា រៀងរាល់ឆ្នាំ នៅក្នុងកិច្ចប្រជុំក្រុមប្រឹក្សាប្រទេសផ្តល់ជំនួយ (Consultative Group Meeting) ជាមួយកម្ពុជាដោយផ្អែកលើសំណើរថវិការជាតិរបស់កម្ពុជា។
ជាមួយនឹងនឹងការតាំងចិត្តជួយស្រុកខ្មែរប្រទេសផ្តល់ជំនួយតែងតែមាន លក្ខណ្ឌខ្លះទាមទារឲ្យកម្ពុជាបំពេញជាថ្នូរនឹងជំនួយ ដូចជាការពង្រឹងវិស័យអប់រំ លុបបំបាត់អំពើំពុករលួយ តម្លាភាព ការគោរពសិទ្ធិមនុស្ស។ល។និង។ល។ ហើយរដ្ឋាភិបាលកម្ពុជាតែងតែបាននូវចំនួនទឹកប្រាក់ដែលខ្លួនចង់បាន មិនដែលខ្វះឡើយ៕
ជាមួយនឹងការបានជំនួយនេះ មេដឹកនាំខ្មែរតែងតែ «ស្រែកអួតក្តែងៗតាមកាសែត ទូរទស្សន៍ និងវិទ្យុថា វាជាមោទនភាពរបស់ខ្មែរណាស់ដែល ប្រទេសផ្តល់ជំនួយ គេនៅតែឲ្យលុយយើង ហើយឲ្យកាន់តែច្រើនជាងមុនពីមួយឆ្នាំទៅមួយឆ្នាំ»។
ថ្ងៃ ២៣ តុលាខ្មែរទទួលបានសន្ធិសញ្ញាដោយសារព្រះបាទសម្ដេចនរោត្តមសីហនុ បានបង្រួបបង្រួមទាមទារមកពលរដ្ឋខ្មែរ
……………..
សំនួរ៖ តើអ្នកទាំងអស់គ្នាមានមោទនភាពដូចមេដឹកនាំខ្មែរដែលស្រែកអួតដែរឬទេ? សូមឆ្លើយដោយផ្អែកហេតុផលទាំងស្របនិងមិនស្រប។
……………..
សំនួរ៖ តើអ្នកទាំងអស់គ្នាមានមោទនភាពដូចមេដឹកនាំខ្មែរដែលស្រែកអួតដែរឬទេ? សូមឆ្លើយដោយផ្អែកហេតុផលទាំងស្របនិងមិនស្រប។