ដកស្រង់សំដីមេខ្មែរក្រហមនិយាយអំពីសម្ដេច ហេង សំរិន និង ជា ស៊ីម

នៅក្នុងសាលាក្ដីខ្មែរក្រហម ជាញឹកញាប់ណាស់ដែលមេខ្មែរក្រហមគឺ លោកនួនជា តែងតែនិយាយអំពី ថ្នាក់ដឹកនាំប្រទេសកម្ពុជាជាច្រើនរូប តែលើកនេះខ្ញុំសូមដកស្រង់សំដីរបស់គាត់មួយចំនួន ដែលបានចុះផ្សាយក្នុងសារព័ត៌មានអាស៊ីសេរីដូចតទៅ៖
ការរំឭកឡើងវិញអំពីអតីតសមមិត្តរបស់គាត់ គឺលោក ហេង សំរិន បានធ្វើឡើងក្នុងពេលគាត់ឆ្លើយតបសំណួររបស់លោកមេធាវីអន្តរជាតិ របស់គាត់ គឺលោក មីឃៀល ផេស្តមែន (Michiel Pestman) នៅពេលដែលសួរអំពីប្រវត្តិតស៊ូរបស់គាត់ និងអំពីទំនាក់ទំនងជាមួយវៀតណាម។
លោកនួនជានិយាយ៖ «ហេង សំរិន ហ្នឹងគាត់ក្រទេ រកតែក្របីឃ្វាលផង។ មានតែខោខ្លីមួយ។ ក៏ប៉ុន្តែ គាត់ល្អណាស់ គុណធម៌ សីលធម៌គាត់ ហើយក្លាហានតស៊ូប្ដូរផ្ដាច់ ស៊ូលំបាកវេទនា។ ក្រោយមកទៀត គាត់បានធ្វើជាមេទ័ព ក្រោយរំដោះ។ ដូច្នោះគឺថា ជីវិតខ្ញុំ ហើយនិងលោក ហេង សំរិន ហ្នឹងជាប់គ្នាណាស់»។

ជនជាប់ចោទ នួន ជា បានជម្រាបអង្គជំនុំជម្រះថា លោក ហេង សំរិន បច្ចុប្បន្នជាប្រធានរដ្ឋសភា គឺជាអ្នកនាំគាត់ពីភ្នំពេញទៅជួបតំណាងបក្សកុម្មុយនិស្តវៀតណាម គឺលោក ង្វៀន វ៉ាន់លិញ នៅពេលដែលគាត់ចេញពីបក្សកុម្មុយនិស្តនៅប្រទេសថៃ ចូលមកតស៊ូនៅប្រទេសកម្ពុជា។
ក្រៅពីលោក ហេង សំរិន ជនជាប់ចោទ នួន ជា ក៏បានរំឭកដល់សិស្សរួមថ្នាក់របស់គាត់មួយរូបទៀតដែរ គឺលោក ជា ស៊ីម ដែលបច្ចុប្បន្នជាប្រធានព្រឹទ្ធសភាសព្វថ្ងៃនេះ។
លោកនួនជានិយាយ៖ «ជា ស៊ីម ហ្នឹងក៏ធ្លាប់រៀនជាមួយខ្ញុំដែរ។ កាលណោះគាត់ធ្វើគណៈស្រុកត្បូងឃ្មុំ។ គាត់ក៏ក្រដែរ អ្នកស្រែកណ្ដាល។ ប៉ុន្តែពេលខ្លះខ្វះខាតក៏ខ្ចីបុលគេទៅ។ ក្រោយមកទៀត ខ្ញុំក៏មិនដឹងថាគាត់ធ្វើអីទេក្រោយរំដោះ ហើយក៏មិនដែលបានជួបគ្នា»។
លោកនួនជានិយាយ «ពិតមែនតែមាគ៌ា នយោបាយវៀតណាមរួមមានមាគ៌ាឈ្លានពានវាតទីលេបទឹកដីបំបាត់ពូជសាសន៍ ក៏ប៉ុន្តែ ង្វៀន វ៉ាន់លិញ ជាបុគ្គលអាចសន្ទនាជាមួយគ្នាបាន។ មានកិច្ចការអីគាត់មិនច្រឡោតតោតតូងដូច ហ្វាម ហ៊ុង ទេ។ បើ ហ្វាម ហ៊ុង ផ្សេង។ អាហ្នឹងនិយាយខុសបន្តិចមុខក្រហម»។
ជនជាប់ចោទ នួន ជា និយាយថា រវាងវៀតណាម និងកម្ពុជាមានភាពចម្រុះទាំងមិត្តផង និងសត្រូវផង។ មិត្តគឺគាត់និយាយថា វៀតណាមរួមវាយអាមេរិកដូចគ្នា តែវៀតណាមមានមហិច្ឆតាឈ្លានពានវាតទីលេបទឹកដីកម្ពុជា ជារហូតមក។
លោកនួនជានិយាយ៖ «វៀតណាមឃោរឃៅ ជាងអាមេរិកទៅទៀត ព្រោះគេវ៉ៃចូលទៅចាត់តាំងរដ្ឋអំណាចអីនៅក្នុងព្រៃរបស់ខ្មែរ។ ឯអាមេរិកគ្រាន់តែទម្លាក់គ្រាប់បែកទេ។ អាមេរិកអត់ចូលមកទេ។ វៀតណាមចូលមកទាំងមនុស្សតែម្ដង។ ហើយសព្វថ្ងៃនេះលោកទាំងអស់គ្នាឃើញស្រាប់ហើយ។ ខ្ញុំនិយាយនេះ មិនមែនកុហកទេ។ និយាយការពិតតែម្ដង ព្រោះតុលាការនេះត្រូវការការពិត យុត្តិធម៌ ដែលមានប្រយោជន៍សម្រាប់យុវជនជំនាន់ក្រោយ»។
គ្រាន់តែរំឭកបានប៉ុណ្ណឹងស្រាប់តែប្រធានចៅក្រមជំនុំជម្រះ លោក និល ណុន បញ្ឈប់មិនអោយគាត់និយាយទៀតឡើយដោយពន្យល់ថា «លោក នួន ជា អត្ថាធិប្បាយតបសំណួរ គឺត្រឹមកម្រិតនៃបរិបទប្រវត្តិបក្សកុម្មុយនិស្តកម្ពុជា ដូចមានចែងនៅក្នុងបណ្ដាកថាខណ្ឌទាំងឡាយ ដែលមាននៅក្នុងដីកាដំណោះស្រាយពីខាងដើម គឺនិយាយត្រឹមបរិបទប្រវត្តិបក្សកុម្មុយនិស្តកម្ពុជាប៉ុណ្ណោះ»។
ជាញឹកញាប់ពេលដែលលោកនួនជា និយាយអ្វីដែលមានបញ្ចេញឈ្មោះថ្នាក់ដឹកនាំនោះយើងតែងឃើញមាន ការបង្អាក់មិនអោយគាត់និយាយអោយអស់សេចក្ដីនោះទេ ដោយលើកហេតុផលដូចខាងលើដែរ។
អត្ថបទស្រដៀង៖ លោក គាត ឈន់ ធ្វើការជាមួយខ្មែរក្រហម? ហេតុអ្វីលោក មិនបកស្រាយ

ប្រវត្តិសាស្រ្តខ្មែរ

ដកស្រង់សំដីមេខ្មែរក្រហមនិយាយអំពីសម្ដេច ហេង សំរិន និង ជា ស៊ីម

No comments:

Post a Comment

អត្ថបទពេញនិយម

អត្ថបទថ្មី

បណ្ណាសារ

ចំនួនអ្នកចូលទស្សនា

ប្រវត្តិសាស្រ្តខ្មែរ

ដក​ស្រង់​សំដី​​មេ​ខ្មែរ​ក្រហម​និយាយ​អំពី​សម្ដេច ហេង​ សំរិន និង ជា ស៊ីម

No comments:

Post a Comment

អត្ថបទពេញនិយម

អត្ថបទថ្មី

បណ្ណាសារ

ចំនួនអ្នកចូលទស្សនា

ដកស្រង់សំដីមេខ្មែរក្រហមនិយាយអំពីសម្ដេច ហេង សំរិន និង ជា ស៊ីម